Вы сейчас просматриваете Саха театра Н.Г. Чернышевскай аатынан Бүлүүтээҕи педагогическай колледжка ыалдьыттаата

Саха театра Н.Г. Чернышевскай аатынан Бүлүүтээҕи педагогическай колледжка ыалдьыттаата

Сааскы гастроллар тэрээһиннэригэр үгэс буолбут көрөөччүлэри кытары көрсүһүүлэр саҕаланнылар. Кулун тутар 14 күнүгэр Н.Г. Чернышевскай аатынан Бүлүүтээҕи профессиональнай педагогическай колледж актовай саалатыгар Саха театрын артыыстара Бүлүү куорат устудьуоннарын кытары көрүстүлэр.

Көрсүһүү кэпсэтии киэбинэн ыытыллынна, СӨ норуодунай артыыската Елена Сергеева-Румянцева, СӨ үтүөлээх артыыската Ирина Никифорова, СӨ үтүөлээх артыыһа Геннадий Турантаев, эдэр артыыстар Александр Борисов, Жанна Ксенофонтова, Айсен Лугинов кыттыыны ыллылар, Саха театрын Бүлүүтээҕи педколледж устудьуоннара артыыстары кытары алтыһан, астынан тарҕастылар.

Бу кэмҥэ Бүлүү куорат оскуолаларын учууталларын уонна үөрэнээччилэрин кытары көрсүһүү Ыччат библиотекатыгар буолан ааста.

 Артыыстар оскуола оҕолоругар театр эйгэтин сырдаттылар, талан ылбыт идэлэрин, үлэлэрин туһунан кэпсээтилэр. Бүгүҥҥү көрсүһүүлэр олус истиҥник уонна сэргэхтик аастылар

Күндү көрөөччүлэрбитигэр махтал!!!