Кулун тутар 21 күнүгэр эдэр артыыстар Илья Портнягин, Жанна Ксенофонтова, Айсен Лугинов уонна Айталина Цыпандина Сунтаардааҕы политехническай лицей үрдүкү кылаастарын үөрэнээччилэрин кытары көрүстүлэр. Көрсүһүүгэ артыыстар Былатыан Ойуунускай аатынан Саха академическай театрын историятын сиһилии кэпсээтилэр, театр эйгэтин сырдаттылар, сценаҕа тахсан оонньуурга маастар-кылаастары көрдөрдүлэр. Көрсүһүүгэ кыттыбыт үөрэнээччилэр, кулун тутар 27 күнүгэр бэлиэтэнэр Аан дойдутааҕы театр күнүн иннинэ кэлэн, театр эйгэтин сырдаппыт Саха театрын эдэр артыыстарыгар махтаннылар уонна лицей мастарыскыайыгар бэйэлэрин илиилэринэн тутан-хабан оҥорбут оҥоһуктарын бэлэх ууннулар.