Былатыан Ойуунускай аатынан Саха театрын артыыстара МУУС УСТАР 11 күнүгэр Мэҥэ Хаҥалас улууһун Дьабыыл нэһилиэгиттэн төрүттээх Саха АССР үтүөлээх артыыһа, саха «Манчаарыта», «Үрүҥ Уолана» Константин Дмитриевич Борисов төрөөбүтэ 95 сылын бэлиэтиир, ахтан-санаан ааһар үөрүүлээх тэрээһиҥҥэ кыттыыны ыллылар

 Нэһилилиэк олохтоохторугар анаан Иван Гоголев – Кындыл “Наара суох” испиктээги кѳрдөрдүлэр

Саха театрын артыыһын быһыытынан дьон ѳйүгэр-сүрэҕэр хаалбыт айар үлэтэ, үгүс ахсааннаах, бѳлүһүѳктүү хоһоонноро, хатыламмат кэрэ кѳстүүлээх хартыыналара, уран тарбаҕынан чочуйбут оҥоһуктара, үйэлэргэ ѳйдѳбүнньүк буолар, гримнээбит оруоллара, ону тэҥэ сырдык, кэрэ санаатын сыһыаран, ыра санааларын ыпсаран тутуспут тутуулара, айылҕаттан айдарыылаах, тѳрѳѳбүт сирин дьиҥнээх патриота, нарын, уйан дууһалаах Улахан киһи буоларын туоһуларынан буолаллар.

Тэрээһин Константин Борисов оонньообут оруолларын уобарастарын Афанасий Петров- Мыччыыкаан, Үрүҥ уолан- Степан Баишев, Дэгэнэ Дугуй- Дьулустаан Брызгалов, Отчут- Дьулустаан павлов, Бытыктаах киһи- Алексей Петров, Гамлет доҕоро – Денис Оконешников, ону тэҥэ Н.В. Петров аатынан оскуола үөрэнээччилэрэ бэйэтэ суруйбут хоһоонун аахтылар.

К.Д.Борисов 95 сылын үйэтитэр ахтыы киэһээтигэр Дьабыыл нэһилиэгэтыа сирин түөлбэтин аҕа баһылыга Дмитрий Дмитриевич Петров ыҥырыылаах ыалдьыттарга, нэһилиэк дьонугар-сэргэтигэр бу ытыктыыр, убаастыыр киһибитэн киэҥ тутта ааттыыбыт диэн биллэрдэ.

Инникитин даҕаны маннык тэрээһиннэри өссө үчүгэйдик чочуйан үрдүк таһымнаахтык ыытыахпыт диэн эрэннэрдэ. Салҕыы Мэҥэ Хаҥалас улууһун Култууратын уонна духуобунай сайдыы салайааччыта Анна Руслановна Исакова эҕэрдэ тылын тиэртэ.

Константин Дмитриевич пенсияҕа тахсан баран дойдутугар тахсан, дьиэ – уот тэринэн, дьонун – сэргэтин кытта чугастык билсэн нэһилиэк олоҕор ыкса кыттыбыта. Төрөөбүт – үөскээбит нэһилиэгэ сайдарын, киэргэйэрин туһугар үгүс үлэни ыытыспыта, сыратын биэрбитэ. Культура дьиэтигэр ыытыллар тэрээһиннэргэ сүбэһит, режиссер быһыытынан үлэлээн дьон биһирэбилин, истиҥ махталын ылбыта. Кулууп иһинэн үлэлиир драмкуруһуок салайааччытынан үлэлээн,киһи өйүттэн, сүрэҕиттэн сүппэттии иҥмит үгүс үтүө өйдөбүллэри хаалларбыта. бу туһунан Дьабыыл нэһилиэгин ол кэмнээҕи драмкуруһуок сылдьыбыт, чугастык алтыспыт дьоно, сыана ветераннара ахтан санаан аастылар. Уруйдаан-айхаллаан үтүө киһибит аатын үйэтитэн өйдөөн, санаан, сүрэхпитигэр бу баардыы илдьэ сылдьыаҕын.

Константин Дмитриевич оҕолоро эмиэ төрөппүттэрин курдук эйэҕэс-сайаҕас, үтүө үлэһит, нэһилиэнньэ ытыктабылын ылан күн бүгүҥҥэ дылы дойдуларын кытары сибээһи быспаттар. Аҕаларын сырдык аатын үйэтитэр анал стипендия анаан, нэһилиэкпит сайдарын туһугар араас тэрээһиннэргэ төһүү күүс-көмө буолаллар. Утум салҕанар диэн этэллэринии Константин Дмитриевич улахан кыыһа, Надежда Константиновна Гребенникова, уола Константин Константинович, сиэннэрэ Галина Константиновна аҕаларын сырдык аатын үйэтитэр күҥҥэ истиҥ-иһирэх тыллар, санаалар этиллибиттэригэр үрдүк сыанаттан махатанан, үөрүүлээх быһыыга-майгыга Былатыан Ойуунускай аатынан Саха академическэй театрыгар Константин Дмитриевисч Борисов кэппит «Мокинтош» сонун Ефим Николаевич Степановка туттарда, ону тэҥэ сылын ахсын ыытыллар Мэҥэ Хаҥалас улууһун В.К.Степонов аатынан Култуура уонна спорт эстафетатын фестивалыгар Дьабыыл нэһилиэгиттэн култуура өттүгэр чаҕылхайдык кыттыбыт Любовь Самойловаҕа К.Д.Борисов анал стипендиятын туттарда. Ахтыыбытын саха сиэринэн бүгүҥҥү тэрээһиммитин күүһү уоҕу эбинэр түөлбэлээн түмэ тутан, Илии-илииттэн ылсан, оһуор- ойуу үктээн, күүс-сэниэ ылына, саха бастыҥ үҥкүүтүн, оһуохайынан түмүктээн, оһуохайы таһаарда Саха Өрөспүүбүлүкэтин үтүөлээх оһуохай этээччитэ, Мэҥэ Хаҥалас Дархан оһуохайдьыта Денис Оконешников.

Саха АССР үтүөлээх артыыһа, Дьабыыл нэһилиэгин бочуоттаах олохтооҕо Константин Дмитриевич Борисов төрөөбүтэ 95 сылын үйэтитэр тэрээһиммит үгүс элбэх кэрэ, истиҥ, алгыс тылларынан түмүктэннилэр.