6 апреля - спектакль "ТИЭТЭЙБИТ"

Николай Денисович Неустроев комедиятынан  «Тиэтэйбит» спектакль.

Бу кэмиэдьийэни автор 1925 сыллаахха суруйан бүтэрбитэ. «Тиэтэйэн дьону күллэриэҥ» диэн нуучча өһүн хоһооно баарыныы, сүрүн герой ааттыын да Омуннаах Уйбаан ойоҕо өлбүт диэн сураҕы истэн саҥа ойох кэпсэтэрин, ол түмүгэр араас киһи сонньуйуох быһылааннара тахсалларын туһунан сүрдээх омуннаах, күлүүлээх-көрүдьүөстээх, ол быыһыгар курус да түгэннэрдээх оонньуу.

Спектакль режиссера Саха Өрөспүүбүлүкэтин үтүөлээх артыыһа Дмитрий Михайлов. Көстүүмнэри оҥордо — Дария Дмитриева. Михаил Егоров сценографията. Музыкатын таҥна — Николай Павлов.

Оруолларга оонньууллар — Михаил Семенов, Мария Николаева, Павел Ченянов, Ильяна Павлова, Дмитрий Михайлов, Елена Сергеева-Румянцева, Жанна Ксенофонтова, Игорь Говоров, Татьяна Легантьева.