Кэриэстэбил

Кэриэстэбил

Бөөлүүн, атырдьах ыйын 18 күнүгэр, Сахабыт тыйаатырын номоххо киирбит дириэктэрэ, артыыһа, Саха АССР үтүөлээх артыыһа, тыыл уонна үлэ бэтэрээнэ, ытык киһибит Степан Иннокентьевич Емельянов 86 сааһыгар биһиги кэккэбититтэн туораата…
Бүтүн дойду искусствотыгар ураты суолу-ииһи хаалларбыт бары өттүнэн уһулуччу талааннаах киһибит Степан Иннокентьевич олус чаҕылхай олоҕу олорон ааста…

Степан Иннокентьевич чугас дьонугар, оҕолоругар, сиэннэригэр дириҥ кутурҕаммытын тиэрдэбит.

Былыатын Ойуунускай аатынан
Саха тыйаатырын бары дьоно

Степан Иннокентьевич Емельянов Арҕаа Хаҥалас оройуонун ​ IV Малдьаҕар нэһилиэгин Хайарҕаһыгар 1935 с. төрөөбүтэ.
1961–1966 сс. Щепкин аатынан үрдүкү театральнай училищеҕа үөрэммитэ. 1966–1973 сс. – Ньурбатааҕы көһө сылдьар театр артыыһынан үлэлиир.
1974 сылтан Саха тыйаатырыгар артыыһынан, 1983–1998 сс. театр дириэктэринэн үлэлиир.
1990–1996 сс. СТД бэрэссэдээтэлэ.
Тыйаатырга оруоллара: кинээс Бииктэр – «Күкүр Уус», Суорун Омоллоон, Яков Лукич – «Тиириллибит кырыс», М.Шолохов, Василий Павлович – «Хапсыһыы», Е.Неймохов, Банко – «Макбет», У.Шекспир уо.д.а. Режиссер быһыытынан Ойуунускай «Кыһыл ойуун», А.С.Пушкин «Маленькие трагедии» айымньыларын туруорар.
Киинэҕэ оруоллара: «Дорога к морю», «Андрей Рублев», «Срочно… секретно… Губчека», «Семен Дежнев», «Залив счастья», «Шаман».