Нюрба театра: Кирилл Семенов кинигэтэ сүрэхтэннэ

Бэҕэһээ,олунньу 18 күнүгэр, Былатыан Ойуунускай аатынан Саха академическай тыйаатырыгар СӨ үтүөлээх артыыһа Кирилл Михайлович Семенов «Сахалыы тыыннаммыт пьесалар» диэн тылбаастарын кинигэтэ сүрэхтэннэ.

Талааннаах артыыс тылбаастарыттан Ньурба тыйаатырыгар 2013 сыллаахха Ольга Погодина пьесатынан «Туой буор» испэктээги режиссер Алексей Амбросьев туруорбута. Бу социальнай ис хоһоонноох испэктээк көрөөччү сэҥээриитин ылбыта, СӨ норуодунай артыыһа Валентина Николаева,СӨ үтүөлээх артыыстара Майя Слепцова,Петр Винокуров,Венера Никитина,Людмила Васильева,Александра Кривогорницына,Борис Борисов,СӨ култ.туйгуна Дмитрий Слепцов оонньообуттара.

Кирилл Михайловиһы «Гражданскай килбиэн» бочуоттаах аат ылбытынан эҕэрдэлиибит, үгүс көрөөччүлэр үтүө өйдөбүллэрэ,махталлара арыаллаатыннар,үлэҕэр күүс-күдэх эптиннэр,санааҕын кынаттаатыннар диэн баҕа санаабытын тиэрдэбит!