Олунньу 6 күнүгэр Софья Сергучева-Баранова “Биэс чаҕыл сулуспут” ахтыы-моно-испэктээкилин премьерата

БИЭС ЧАҔЫЛ СУЛУСПУТ

Былатыан Ойуунускай аатынан Саха театра олунньу 6 күнүгэр киэһэ 6 чаастан Софья Сергучева-Баранова “Биэс чаҕыл сулуспут” ахтыы-моно-испэктээкилигэр театр аччыгый саалатыгар ыҥырар.

М. С. Щепкин аатынан театральнай үрдүкү үөрэх маҥнайгы студиятын 1955 с. бүтэрбит  Саха театрын норуокка биллэр артыыскалара – Саха АССР норуодунай артыыската Александра Иванова, Саха АССР үтүөлээх артыыската Аксинья Адамова, РСФСР үтүөлээх артыыската, СӨ норуодунай артыыската Анна Кузьмина, Саха АССР үтүөлээх артыыската Мария Канаева уонна Саха АССР үтүөлээх артыыската Татьяна Мыреева айар үлэлэрин уонна олохторун туһунан кинилэр көлүөнэлэрин кытта бииргэ үлэлээбит түгэннэриттэн Саха сирин үтүөлээх артыыската, М. С. Щепкин аатынан театральнай училище үһүс студиятын бүтэрбит Софья Сергучева-Баранова эһиэхэ кэпсиэҕэ….   

РФ, СӨ үтүөлээх артыыската Лена Сергеева-Румянцева уонна СӨ үтүөлээх артыыската Зоя Попова  туруоруулара

Сыана уонна көстүүм худуоһунньуга – Дария Дмитриева

Леонтий Мотхонов уотунан киэргэтиитэ

Александр Решетников музыканан киэргэтиитэ

 

«Саха» национальнай көрдөрөр-иһитиннэрэр хампаанньа радиофондатын архыыбыттан матырыйаал туһанылынна