Саха академическай тыйаатырын тохсунньу ыйдааҕы репертуара

Былатыан Ойуунускай аатынан Саха академическай тыйаатырын тохсунньу ыйдааҕы репертуара

САХА ТЫЙААТЫРЫН СҮРҮН СЫАНАТА:

«КУС КӨҤҮЛЭ» (16+)

Премьера

Былатыан Ойуунускай аатынан Саха тыйаатыра тохсунньу 15-c, 16-c, 17-с күнүгэр киэһэ 6 чаастан – Александр Вампилов «Кус көҥүлэ» пьесатынан испэктээк премьератыгар ыҥырар.

Саха тыйаатырыгар тохсунньу туманынан бүрүллүбүт тоһуттар тымныытыгар кус көҥүлэ саҕаланан эрэр. Туман быыһынан көрдөххө, Илиҥҥи дойду көстөр. Пандемия мааскатын кэмигэр атын мааскалаахтар – бу олох көлдьүн оонньуутун ылынаары, бэйэлэрин туһаларыгар туһанаары кэппиттэр. Ол эрэн, сүрүн герой Чхон Виен Пак бу Орто дойду кубулҕаттаах оонньуутун мааскаларын барыларын билэр да, кинилэр эргиирдэриттэн тахсар кыаҕа суох. Кини ханна талаһарый? Баҕар, хааччахтаах кэм киниэхэ эрэ: «Ханна барыахха, тугу гыныахха?» — диэн ыйытыыларга эппиэт сахпыта буолаарай?

Ким ити мааскалары салайарый? Ким кураанах куосканы бу олох сүрүн бэлиэтинэн талбытай? Режиссер Сергей Потапов «Кус көҥүлэ» диэн Александр Вампилов пьесатынан туруорбут испэктээгэр билиҥҥи кэм сүрүн ыйытыыларыгар бэйэҕит эппиэккитин ылыаххыт.

Сергей Потапов бу испэктээгин кэриэй режиссера Ким Ки Дук сырдык кэриэһигэр анаата.

Туруорааччы режиссер – Сергей Потапов

Сыана худуоһунньуга – Михаил Егоров

Көстүүм худуоһунньуга – Сардана Федотова

Нууччалыыттан Кирилл Семенов тылбааһа

Оруолларга: Альберт Алексеев, Татьяна Легантьева, Геннадий Турантаев, Ильяна Павлова, Петр Баснаев, Жанна Ксенофонтова, Валентин Макаров, Лена Маркова, Павел Ченянов уонна Владимир Винокуров

«ЛООКУУТ УОННА НЬУРГУҺУН» (6+)

Былатыан Ойуунускай аатынан Саха тыйаатыра тохсунньу 22 күнүгэр киэһэ 6 чаастан – Тимофей Сметанин “Лоокуут уонна Ньургуһун” драматыгар ыҥырар.

Тимофей Сметанин норуот номоҕор олоҕуран суруллубут драмата. Икки ыал олоҕо көстөр. Биирдэрэ сэниэ, баай да диэххэ сөп. Биирдэрэ дьадаҥылар. Бу ыал оҕолоро баай кыыһа Ньургуһун, дьадаҥы ыал оҕото Лоокуут бииргэ уөскээн улааппыттара. Бэйэ бэйэлэрин таптаһаллар. Ньургуһун аҕата кыыһын баай ыал уолугар кэргэн биэрэргэ быһаарынар. Кыыс уҥан охтон хаалар. Летаргический түүл уһун уутунан утуйар. Дьоно өллө диэн араҥастаан кэбиһэллэр. Түүн Лоокуут араҥаһын арыйан кыыһы быыҺыыр.

Герасим Васильев — туруоруута

Көстүүм, сыана худуоһунньуктара – Дария Дмитриева, Сардана Федотова

Сүрүн оруолларга – Вячеслав Лавернов уонна Айталина Цыпандина

«НААРА СУОХ» (6+)

Былатыан Ойуунускай аатынан Саха тыйаатыра тохсунньу 23 күнүгэр киэһэ 6 чаастан – Иван Гоголев – Кындыл «Наара Суох» кэмиэдьийэтигэр ыҥырар.

Бу испэктээк аан бастаан 1965 сыллаахха олунньу 27 күнүгэр Саха тыйаатырын сыанатыгар турбута. Туруорааччы режиссер — Россия уонна Саха АССР үтүөлээх артыыһа Федот Федотович Потапов. 1998 сыллаахха испэктээкили Россия үтүөлээх, СР наруодунай артыыһа, ССРС уонна Россия Федерациятын государстволарын бириэмийэтин лауреата Ефим Николаевич Степанов сөргүтэн туруорбута.

Туруорааччы режиссер – Федот Потапов, Ефим Степанов

Сыана, көстүүм худуоһунньуктара – Ефим Шапошников, Дария Дмитриева

Оруолларга: Иннокентий Луковцев, Ирина Никифорова, Дмитрий Михайлов, Петр Садовников, Елена Сергеева-Румянцева, Айаал Аммосов, Иван Попов, Петр Баснаевуо.д.а.

«САЙСАРЫ КҮӨЛГЭ ТҮБЭЛТЭ» (16+)

Былатыан Ойуунускай аатынан Саха тыйаатыра тохсунньу 24 күнүгэр киэһэ 6 чаастан – Егор Неймохов аатырбыт детективнэй сэһэнинэн турбут «Сайсары күөлгэ түбэлтэ» испэктээккэ ыҥырар.

Милиционер, прокурор идэлээх дьон уустук үлэлэрин көрдөрөр медиа-испэктээк. Сүрүн дьоруой прототибынан Саха сиригэр биллэр юрист Макар Яковлев буолара биллэр.

Зоя Багынанова, Мария Николаева туруоруулара

Сыана худуоһунньуга – Михаил Егоров

Көстүүм худуоһунньуга – Дария Дмитриева

Эдуард Новиков киинэҕэ устуута

Оруолларга: Иннокентий Луковцев, Иван Попов, Ирина Никифорова, Надежда Ушницкая, Геннадий Турантаев, Елизавета Потапова уо.д.а.

«САНДААРАР САРЫАЛ САЛЛААТТАРА» (12+)

Былатыан Ойуунускай аатынан Саха тыйаатыра тохсунньу 29-c, 30-с күнүгэр киэһэ 6 чаастан Миитэрэй Наумов пьесатынан Улуу Кыайыы 75 сылын көрсө турбут “Сандаарар сарыал саллааттара” испэктээккэ ыҥырар.

Миитэрэй Наумов «Саллаат дьылҕата» пьесатын Үөһээ Бүлүү улууһун Харбалаах нэһилиэгиттэн төрүттээх Ноттосов Николай Алексеевич сырдык кэриэһигэр анаан суруйбут. Уот сэриигэ хорсуннук кыргыспыт саллаат өлөр өлүүгэ түбэһэн баран дойдутугар, сүрэҕэр нарын иэйиинэн уйалаабыт кыыһыгар тапталын күүһүнэн тыыннаах төрөөбүт түөлбэтигэр эргиллэр. Саллаат дьылҕата кытаанах — ким сэрии толоонугар, ким онтон ылбыт бааһыттан сэрии сэмнэҕэ буолар. Ол эрээри сэрии дьоруойа төһө да киһи аҥаара буолан кэллэр эйэлээх олоҕу үлэнэн чэчирии сайыннарар, сэрии тулаайахтарын иитэн доҕотторун солбуйар. Эйэлээх олоххо эмиэ дьоруойдуу холобур буолар.

Туруорааччы режиссер — Руслан Тараховскай

Сыана худуоһунньуга — Михаил Егоров

Көстүүм худуоһунньуга – Дария Дмитриева

Оруолларга: Илья Стручков, Ильяна Павлова, Ирина Никифорова, Вячеслав Лавернов, Альберт Алексеев, Тамара Обутова, Сергей Баланов, Айаал Аммосов, Валентин Макаров, Петр Макаров, Иннокентий Луковцев, Роман Дорофеев, Айсен Лугинов, Семен Алексеев уо.д.а.

«ААТТААХ ПОЭТ АРБИТА»

Былатыан Ойуунускай аатынан Саха тыйаатыра тохсунньу 31 күнүгэр киэһэ 6 чаастан Айсен Дойду “Ааттаах поэт Арбита” драматыгар ыҥырар.

Саха талааннаах поэта Иван Слепцов – Арбита олоҕун туһунан көрдөрөр поэзия курдук чараас тыыннаах испэктээк. Арбита Мэҥэ Хаҥалас Тараҕай нэһилиэгиттэн төрүттээх. Олоҕун, айар үлэтин күөгэйэр күнүгэр сылдьан репрессияҕа түбэһэн суорума суоламмыта.

Туруорааччы режиссер, сценография – Сергей Потапов

Көстүүм худуоһунньуга – Дария Дмитриева

Испэктээккэ Христофор Максимов ырыата тыаһыыр

Оруолларга: Валентин Макаров, Илья Портнягин, Роман Дорофеев, Лена Маркова, Ирина Михайлова, Дмитрий Михайлов, Айсен Лугинов уо.д.а.

 

АЛАМПА СААЛАТА:

«ТАПТАЛ»

Премьера

Былатыан Ойуунускай аатынан Саха тыйаатыра тохсунньу 23-с, 24-c, 30-с, 31-с күнүгэр күнүс 3 чаастан Алампа «Таптал» дырааматыгар ыҥырар.

Бу музыкальнай испэктээк Алампа аатын үйэтитэн, аатын Саха тыйаатырын аччыгый саалатыгар иҥэрэр бэлиэ күнү көрсө турбута. Режиссер Руслан Тараховскай Алампа “Ырыа быстыыта хоһоон” кинигэтиттэн дыраама ис хоһоонугар сөп түбэһэр хоһоону талан, матыыптаан, артыыс ырыатын гитаранан тыыннаах доҕуһуолунан киэргэтэн, олус саҥалыы, аныгылыы тыыннаах испэктээги туруорбут.

Туруорааччы режиссер — Руслан Тараховскай

Сыана худуоһунньуга — Михаил Егоров

Көстүүм худуоһунньуга – Сардана Федотова

Оруолларга: Ирина Михайлова, Валентин Макаров, Ирина Никифорова, Александр Борисов, Елена Маркова, Петр Баснаев, Ньургуйаана Шадрина, Илья Стручков, Тамара Обутова, Дьулустаан Семенов, Жанна Ксенофонтова, Дмитрий Татаринов, Николай Протасов, Павел Ченянов, Айсен Лугинов, Алдан Готовцев, Владимир Винокуров.

 

ЛАБОРАТОРНАЙ СААЛА:

«ҮС ТҮҮННЭЭХ КЭПСЭТИИ»

Премьера

Былатыан Ойуунускай аатынан Саха тыйаатыра тохсунньу 23-с, 24-c, 30-с, 31-с күнүгэр күнүс 3 чаастан Алексей Арбузов «Мараат барахсан» пьесатынан «Үс түүннээх кэпсэтии» испэктээккэ ыҥырар.

Сэрии. Блокада. Үс тулаайах оҕо – Лика, Лүөҥкэ уонна Мараат. Үс тыыннаах ыра санаа. Маҥнайгы туҥуй таптал сылааһа.

Туруорааччы режиссер — Роман Дорофеев

Сыана худоуһунньуга — Михаил Егоров

Көстүүм худуоһунньуга – Сардана Федотова

Оруолларга: Вячеслав Лавернов, Айталина Цыпандина уонна Илья Портнягин

Күндү көрөөччү!

Быйылгы 115-c театральнай дьылтан тыйаатыр үс сааланан үлэлиир, онон биир күн хас да испэктээк оонньоноругар болҕомто уураргар ыҥырабыт.