Саха республикатын үтүөлээх артыыһа Дмитрий Михайлов өрөгөйдөөх үбүлүөйэ...

Күндү Дмитрий Дмитриевич!

Сахабыт театрыгар
Драмаҕа, кэмиэдьийэҕэ
Үгүс уобараһы айан
Үлэлээн, дьайан кэлбит,
Күндү доҕорбут, биир идэлээхпит
Михээлийэп Миитэрэйбит!
Алта уон сааскынан
Аатын ааттанар, айхалланар үбүлүөйдээх күҥҥүнэн
Үөрэн — көтөн тураммыт, эҕэрдэстии туойаммыт,
Эдэрдиин — эмэнниин
Эрчимнээх эйэҕэс сүрэхтэн
Эҕэрдэ эриэккэһин этэбит!
Тугу баҕарарыҥ барыта
Толору туола турдун!
Аны да үөрүү — көтүү аргыстаах
Үгүс үтүмэн сылларга
Үлэлии — хамсыы сырыт диэн
Алгыс баһын сыалыыбыт!
Дом! Дом! Дом!