Саха театра Матта5а

Мэҥэ-Хаҥалас улууһун Матта бөһүөлэгиттэн төрүттээх Саха АССР үтүөлээх артыыһа Яков Прокопьевич Кычкин төрөөбүтэ 100 сылын көрсө быйыл Саха театрыгар уонна төрөөбүт нэһилиэгэр кэккэ улахан тэрээһиннэр ыытыллыахтаахтар.

Бу тэрээһин чэрчитинэн, олунньу 21 күнүгэр Мөҥүрүөн орто оскуолатыгар буолбут көрсүһүүгэ Саха театрын артыыстара – Саха норуодунай артыыската Зоя Петровна Багынанова, Саха норуодунай артыыһа Ефим Николаевич Степанов уонна Саха театрын сүрүн администратора Данил Петрович Марков кыттыыны ыллылар. Үбүлүөйдээх сылы тэрийэр олохтоох хамыыһыйаны кытта театр артыыстара көдьүүстээх кэпсэтиини ыыттылар, Яков Кычкин туһунан кинигэ тахсарыгар икки өттүттэн үлэлэһэргэ сөбүлэстилэр. Сити курдук, үөрэнээччилэри уонна учууталлары кытта олус истиҥ-иһирэх көрсүһүү буолла.

Киэһэтин Я.П. Кычкин аатынан култуура дьиэтигэр тобус толору көрөөчү мустан, Петр Макаров салайар биригээдэтэ Алампа Соппуруонап “Олох дьэбэрэтэ” драматын ооонньуурун көрдө. Көрөөччүлэр көрдөһүүлэринэн олунньу 22 күнүгэр Саха театра саха нороудунай суруйааччыта Николай Лугинов “Кустук” сэһэнинэн испиктээкили оонньоон көрдөрдө.

Сити курдук, Саха театрын үгэс буолбут сааскы гастуруолун Петр Макаров салайар биригээдэтэ Маттаттан саҕалаата – Я.П. Кычкин аатынан култуура дьиэтигэр Алампа Соппуруонап “Олох дьэбэрэтэ” драматын оонньоон көрдөрдө.