Саха тыйаатырын ытык-мааны артыыската Прасковья Павловна Адамова норуодунай артыыска аатын ылла

Саха тыйаатырын ытык-мааны артыыската Прасковья Павловна Адамова норуодунай артыыска аатын ылбыт үөрүүлээх күнүнэн итиитик-истиҥник эҕэрдэлиибит!

Бу үрдүк ааты норуот таптыыр, ытыктыыр, сүгүрүйэр артыыһа ылар үгэстээх. Прасковья Адамова сырдык сарыаллаах истиҥ оруолларын Ньурба, Саха тыйаатырдарын үгүс көлүөнэ көрөөччүлэрэ өйдүүр-саныыр буолуохтаахтар.

Саха тыйаатыра Прасковья Адамова курдук киэҥ амплуалаах, сырдык ыраалаах, идэлэригэр бэриниилээх үлэһит артыыстарга тирэҕирэр.