Ытыктабыллаах Михаил Егорович!

Ытыктабыллаах Михаил Егорович!

Үлэбитинэн үөлээннээхпит,

Идэбитинэн атас-доҕор киһибит,

Ытыктабыллаах Михаил Егорович!

Айар куту тутаҥҥын

Артыыс киһи буолаҥҥын

Айбыт оруолларыҥ

Эҥин элбэх буолбуттар —

Джайнак, Кеша, Манчаары

«Ревизорга» Мардьааскы,

Циркэ тойоно Альберти,

Саха баайын эгэлгэтэ

Кинээс, баһылык, кулуба —

Көрөөччүнү кэрэхсэтэр

Үйэлээх уобарастар

Сынаҕа да, киинэҕэ да

Кэккэлии турбуттар диэн

Сөҕөн — махтайан тураммыт

Тапталлаах Сахаҥ театра

Эдэр — эмэн бары дьоно

Өрөгөйдөөх үөрүүлээх

Үбүлүөйдээх күҥҥүнэн

Үөрэн-көтөн тураммыт

Эҕэрдэ бастыҥын этэбит!

Аныгытын даҕаны

Айар күүһүҥ, күдэҕиҥ

Аҕырымнаабатын, ахсаабатын,

Айгыраабатын, аҕыйаабатын,

Олоҕуҥ уруйдаах тускула уларыйбатын,

Айхаллаах аартыга аралдьыйбатын, Кэлэр кэнчээрилэриҥ кэскиллэнниннэр,

Удьуор дьонуҥ уруйданныннар,

Ууһуу — тэнийэ турдуннар диэн

Алгыс тылбытын аныыбыт!

Домм!!!