Ытыктабыллаах Прасковья Павловна! 75 сааскын бэлиэтиир Өрөгөйдөөх, үөрүүлээх Үбүлүөйдээх күҥҥүнэн

Күн курдук үөрэн мичилийэ сылдьар

Күндү киһибит, Күн Чүүйэ,

Ытык-мааны аймах-билэ киһибит

Ытыктабыллаах Прасковья Павловна!

75 сааскын бэлиэтиир

Өрөгөйдөөх, үөрүүлээх

Үбүлүөйдээх күҥҥүнэн

Үөрэн-көтөн тураммыт

Эдэрдиин-эмэнниин

Эҕэрдэлээтэхпит буоллун!

Төрүөххүттэн биһиктээбит

Түөрэххин төлкөлөөбүт Үрүҥ Аар Тойон

Үрүҥ туналы тыынынан

Түөрт өттүгүттэн күрүөлээн

Төгүрүччү арчылаатын,

Тускулу тосхойдун, дьолуону туһаайдын диэн

Алгыс тылбытын анаатахпыт буоллун!

Аныгытын даҕаны амарах Айыыларыҥ

Араҥаччылыы харыстыы, алгыстарын аныы сырыттыннар!

Кэлэр инники олоҕуҥ кэрэмэн кэскилэ кэчирээбэтин,

Уолбат уйгута уостубатын, байым быйаҥа быстыбатын!

Кэнчээри ыччаттарыҥ кэтирии-тэнийэ турдуннар!

Өссө да уһун, уостубат-быстыбат,

Дьоллоох-соргулаах, үтүө-мааны

Дьоһун олоҕу баҕара хаалабыт!

 

Былатыан Ойуунускай аатынан

Сахаҥ театрын бары дьоно,

Бэс ыйын 9 күнэ, 2020 сыл