Гастрол иккис күнүгэр Саха академическай театрын дириэктэрэ Петр Макаров уонна артыыстар Бүлүү улууһун аҕа баһылыгын Сергей Винокуровы кытта Саха норуодунай суруйааччыта, драматург, Саха АССР искусствотын үтүөлээх диэйэтэлэ Иван Гоголев-Кындыл сырдык аатыгар сүгүрүйэн пааматынньыгар сибэкки уурдулар.
Саха норуодунай суруйааччыта Иван Гоголев-Кындыл үгүс драмалыы айымньылара Саха академическай театр сыанатыгар турбуттара, төһө да ааспыт үйэҕэ сурулунналлар, билиҥҥи кэмҥэ уһулуччу суолталаахтар. Театр билиҥҥи репертуарыгар киирбит испэктээкиллэрэ көрөөччүлэр болҕомтолорун тардан, дохсун ытыс тыаһынан доҕуһуолланаллар, толору сааланы мунньаллар.
В.О. Каратаев аатынан Олоҥхо Дьиэтигэр Саха театрын артыыстара Бүлүү куорат олохтоохторун уонна ыалдьыттарын кытары көрүстүлэр. Сиһилии https://vk.com/wall712397092_583
