Күн сирин көрбүт күндү
Өрөгөйдөөх үбүлүөйгүнэн
Айымньылаах атаспытын,
Хоһоон куттаах доҕорбутун,
Гитаралаах ырыаһыппытын
Айхал, алгыс тылларынан
Арчылаатахпыт буоллун,
Эрчими эбэр эриэккэс эҕэрдэнэн
Эрэлбитин эттэхпит буоллун!

Талан ылбыт идэҕинэн
Тапталлаах театргар
Өссө да үгүс сыл
Көрөөччүлэргин үөрдэ,
Иэйиилэргин көтүтэ
Айа-тута,
Үлэлии-хамсыы
сырыт диэн
Алгыспытын аныыбыт,
Баҕабытын тиэрдэбит!

Олохтоох санаалан,
Кэскиллээх ыралан!
Сааскы күөх сирэм окко
Түспүт сэрэбиэйиҥ
Күн сардаҥата оһуордаах
Төлкөтө туолуохтун!
Айылҕа дириҥ күүһүн
Сиэргэ-туомҥа түһэрэн
Айыыларгар хайыс,
Айар куккун бөҕөргөт,
Кэрэни үксэт!

Тус бэйэҥ олоххор
Тулхадыйбат туруктан,
Уостубат тапталлан!
Ускуустуба киһитин
Уһунтан уһун үйэлээх,
Умсулҕанннах уйулҕалаах
Улахан олоҕун олор!
Аман өспүтүн амалыйан
Алгыс, арчы тылларын
Анаатахпыт буоллун!