Былатыан Ойуунускай аатынан Саха театрын кэлэктиибэ Россия Суруйааччыларын, Суруналыыстарын Сойууһун, Россия худуоһунньуктарын айар Сойууһун уонна СӨ Кинематографистарын Сойууһун чилиэнэ Сивцев Айисен Дмитриевич – Айсен Дойду  уһун ыарахан ыарыыттан олохтон туораабытынан дьиэ кэргэнигэр, чугас дьонугар дириҥ кутурҕаммытын тиэрдэбит.

Айсен Дойду аата Саха театрын кытары быстыбат ситимнээх. Кини суруйбут пьесалара араас сылларга театрбыт сценатыгар турбуттара, көрөөччү киэҥ биһирэбилин ылбыттара. Ол курдук Степан Сивцев-Доллу “Бэйэ дьоно”, режиссер Сергей Потапов “Мэҥэ халлаан оҕото ороспуонньук Манчаары” уонна  “Ааттаах поэт Арбита” испэктээкиллэри туруорбуттара. Кини суруйбут киносценарийдарынан уһуллубут киинэлэргэ Саха театрын артыыстара оонньообуттара.

Айсен Дойду сырдык аата үйэлэргэ ааттана туруоҕа.

Былатыан Ойуунускай аатынан Саха академическай театра.