Былатыан Ойуунускай аатынан Саха театра өрөспүүбүлүкэҕэ Оҕо саас сылынан, ону сэргэ “Театр уонна оскуола” бырайыак чэрчитинэн оскуола үөрэнээччилэрин саха классик суруйааччыларын айымньыларынан турбут испэктээкиллэргэ ыҥырар.
Кулун тутар 23-24 күннэригэр саха уус-уран литературатын төрүттээччилэртэн биирдэстэрэ Алампа Соппуруонап “Олох дьэбэрэтэ” драматын уонна саха драматургиятын төрүттээччи Николай Неустроев “Тиэтэйбит” кэмиэдьийэтин оонньуохтара. Үрдүкү кылаас үөрэнээччилэрэ Пушкин каартатынан босхо сылдьыахтарын сөп, улуус, куорат оскуолаларыттан кэлэктиибинэн сайаапкаҕа чэпчэтии көрүллэр.
Саха театрын испэктээкилигэр сылдьыҥ, Сааскы сынньалаҥҥытын туһалаахтык атаарыҥ!
АЛАМПА «ОЛОХ ДЬЭБЭРЭТЭ» ДРАМА https://iframeab-pre5643.intickets.ru/event/12752164
Маайа дьылҕата уустук, кэргэн тахсыаҕыттан күнтэн күн олоҕо уустугуран иһэргэ дылы. Кэргэнэ Уйбаан төрөппүттэрин тылыттан тахсыбакка, Маайаны атаҕастыыра, сынньара элбээн иһэр…
НИКОЛАЙ НЕУСТРОЕВ “ТИЭТЭЙБИТ” КЭМИЭДЬИЙЭ https://iframeab-pre5643.intickets.ru/event/12238991
“Тиэтэйэн дьону күллэриэҥ” диэн нуучча өһүн хоһооно баарыныы, сүрүн герой ааттыын да Омуннаах Уйбаан ойоҕо өлбүт диэн сураҕы истэн сана ойох кэпсэтэрин, ол түмүгэр араас киһи сонньуйуох быһылааннара тахсалларын туһунан сүрдээх омуннаах, күлүүлээх-көрүдьүөстээх, ол быыһыгар курус да түгэннэрдээх оонньууну көрүөххүт.
Саха театрын испэктээкилигэр сылдьыҥ, Сааскы сынньалаҥҥытын туһалаахтык атаарыҥ!
✅ “Пушкин каартатынан” туһанан босхо сылдьыҥ
📲 Билсэр тел.: 89681505602, 34-13-31
