«Симэх» уус-уран оҥоһуктар уонна норуот искусствотын национальнай киинин көҕүлээһининэн тэриллибит “Саха сирин быысапкаламмыт каартата” акциятыгар бастыҥынан ааттаммыт үлэ театрбытыгар турда.

Саха өрөспүүбүлүкэтин быысапкаламмыт каартатын оҥорууга уус-уран оҥоһук маастардара РФ уопсай үөрэхтээһинин бочуоттаах үлэһитэ Людмила Жиркова салайааччылаах «Сомоҕолоһуу» айар түмсүү уус-уран маастардара СӨ норуотун маастара,, СӨ култууратын үтүөлээх үлэһитэ Ульяна Миронова, СӨ үөрэхтээһинин туйгуна, Дьокуускай к. 33 № технология уонна ИЗО учууталларын методическай түмсүүлэрин салайааччыта Нюргуяна Игнатьева, СӨ үтүөлээх архитектора, архитектура уонна куораты тутуу уобалаһыгар РФ Президенин бириэмийэтин лауреата Сергей Миронов кыттыбыттар.

Норуоппут култууратын, үгэстэрин ойуулуур быысапкаламмыт каартаҕа Саха сирин олохтоохторо, төрүт уус-уран култуурунай нэһилиэстибэ, төрүт таҥас, олорор дьиэ, сиэр-туом тэрилэ, айылҕа баайа, кыыл-көтөр ойууламмыт.

Испэктээкилгэ кэлбит көрөөччүлэрбитин ураты хартыынаны көрүҥ, сэргээҥ диэн ыҥырабыт.