Киэҥ нэлэмэн Сахабыт сирин Хотугу улуустарын уонна Таатта улууһун ытык-мааны олохтоохторо!
Былатыан Ойуунускай аатынан Саха театрын артыыстара уһун тохтобул кэнниттэн үгэс буолбут сааскы гастролларга турунуохтара.
Быйылгы гастроллар Россияҕа биллэриллибит дьиэ кэргэн, Саха Өрөспүүбүлүкэтигэр биллэриллибит Оҕо саас сылыгар ананыахтара. Барыта түөрт гастрольнай биригээдэ Хотугу улуустары уонна Таатта улууһун хабыахтара.
Киэҥ нэлэмэн Сахабыт сирин Хотугу улуустарын уонна Таатта улууһун ытык-мааны олохтоохторо!
Былатыан Ойуунускай аатынан Саха театрын артыыстара уһун тохтобул кэнниттэн үгэс буолбут сааскы гастролларга турунуохтара.
Быйылгы гастроллар Россияҕа биллэриллибит дьиэ кэргэн, Саха Өрөспүүбүлүкэтигэр биллэриллибит Оҕо саас сылыгар ананыахтара. Барыта түөрт гастрольнай биригээдэ Хотугу улуустары уонна Таатта улууһун хабыахтара.
Сааскы гастроллар олунньу 20 күнүттэн Өлөөн, Анаабыр улуустарыгар СӨ үтүөлээх артыыһа Дьулустаан Семенов салалтатынан саҕаланыахтара. Өлөөн уонна Анаабыр улуустарын олохтоохторугар Дмитрий Таас айымньытынан ”Кыһыл көмүс хоруоп” испэктээкили, Николай Неустроев “Тиэтэйбит” кэмиэдьийэтин көрдөрүөхтэрэ, итиэннэ олоҥхоһут Павел Романов- Мыланыыскай “Кыыс Ньургустай Куо”олоҥхотун СӨ үтүөлээх артыыската Софья Баранова толоруоҕа.
Семен Алексеев салайааччылаах гастрольнай биригээдэ Орто Халыма улууһун дьонугар-сэргэтигэр Алампа «Олох дьэбэрэтэ», Антон Чехов «Кэргэн кэпсэтии» уонна оҕолорго анаан Николай Лугинов «Кустук» испэктээкиллэрин көрдөрүөхтэрэ.
Илья Стручков салалтатынан гастрольнай биригээдэ талыы-талба Таатта улууһун олохтоохторугар Былатыан Ойуунускай “Оҕо куйуурдуу турара”, “Өйдөөх оҕо”, “Үчүгэй түҥэтик”, “Омуннаах оҕо”айымньыларынан “Оҕоҕо баҕарбыт” уонна Карел Чапек “Ийэ” испэктээкиллэри көрдөрүөҕэ.
СӨ үтүөлээх артыыһа Иннокентий Луковцев салайааччылаах гастрольнай биригээдэ Үөһээ Дьааҥы улууһугар Сиэн Өкөр «Сайылык», Валентин Красногоров “Таптаа миигин, таптаа” испэктээкиллэри көрдөрүө.
Гастроллар чэрчилэринэн Саха театрын артыыстара олохтоох нэһилиэнньэни, оскуола оҕолорун кытары көрсүһүүлэри тэрийиэхтэрэ, маастар-кылаастары ыытыахтара.
Гастроллар чэрчилэринэн Саха театрын артыыстара олохтоох нэһилиэнньэни, оскуола оҕолорун кытары көрсүһүүлэри тэрийиэхтэрэ, маастар-кылаастары ыытыахтара.
