Бүгүн Саха театрыгар Иван Гоголев айымньытыгар олоҕуран Руслан Тараховскай туруоруутугар “Кэрэ көмүскэлигэр” испэктээкил премьерата буолла. Испэктээкил Аҕа Дойду Улуу сэриитигэр Ленинград блокадатын 80 сылыгар уонна А.Н. Островскай аатынан Ленинградтааҕы театральнай институкка үөрэнэ барбыт Саха студиятын устудьуоннарын сырдык ааттарын үйэтитиигэ ананна.
Руслан Тараховскай 2005 сыллаахха бу испэктээкилинэн режиссер идэтигэр дипломун көмүскээбитэ, онно саха студиятын оҕолорун М.С. Щепкин аатынан театральнай училище бэһис Саха студиятын бүтэрбит артыыстар оонньообуттара. Бу күн утуму салҕаан “Кэрэ көмүскэлигэр” испэктээкилинэн Щепкин училищетын бүтэрэн кэлбит алтыс саха студиятын оҕолоро сүрэхтэннилэр.
